Search
Search Results
-
ЭНЕРГЕТИК ИЧИМЛИКЛАР ТАЪСИРИДА МИОКАРДНИНГ МОРФОФУНКЦИОНАЛ ЎЗГАРИШЛАРИГА ДОИР ЗАМОНАВИЙ ҚАРАШЛАР
Юрак организмда қон айланиши ҳамда лимфа ҳаракатланишида иштирок этувчи, бўш мушак аъзони ўзида намоён этувчи орган сирасига киради. Сутэмизувчи ҳайвонларнинг юраги: асос ва тепа қисми, чап ва ўнг юза, олд ва орт чети қисмларга ажратилади. Юракнинг деворлари эндокард, миокард ҳамда эпикарддан ташкил топган. Эндокард - юракнинг ички қобиғи, у бириктирувчи тўқимадан ташкил топган ҳамда эндотелий билан қопланган. Миокард - юракнинг ўрта қобиғи, у турли тартибли мушак толаларидан шаклланган. Юрак олд бўлими ва қоринчалар миокарди фиброз ҳалқалар билан ўзаро аралашмайдиган тарзда ажратилган. Эпикард юракнинг ташқи сероз қобиғи билан намоён бўлган.