##about.aboutContext##

“Oʻzbekiston tibbiyot axborotnomasi” — Toshkent davlat tibbiyot universiteti tomonidan nashr etiladigan taqriz qilinadigan ilmiy-amaliy jurnal bo‘lib, zamonaviy tibbiyot, klinik amaliyot va tibbiy tadqiqotlarning dolzarb masalalariga bag‘ishlangan. Jurnalning asosiy maqsadi ilmiy tadqiqotlar natijalarini keng jamoatchilikka yetkazish, tibbiyot fanini rivojlantirish hamda tibbiy amaliyotni takomillashtirishdan iborat.

Jurnalda original ilmiy maqolalar, sharh maqolalar, klinik tadqiqotlar, tahliliy materiallar hamda amaliyotchi shifokorlar uchun tavsiyalar chop etiladi. Jurnal mavzusi klinik tibbiyot, kasalliklarni diagnostika qilish va davolash, profilaktika, tibbiy reabilitatsiya, biotibbiy tadqiqotlar hamda jamoat salomatligi masalalarini qamrab oladi.

Maqolalar o‘zbek, rus va ingliz tillarida qabul qilinadi.


Taqriz jarayoni

Jurnalga kelib tushgan barcha maqolalar tegishli ilmiy yo‘nalish mutaxassislari tomonidan ilmiy taqrizdan (peer review) o‘tkaziladi. Taqriz jarayoni ilmiy ishlarning sifatini ta’minlash, xolis baholash va ilmiy etikaga rioya qilinishini nazorat qilishga qaratilgan.


Ochiq kirish siyosati

Jurnal ochiq kirish (Open Access) tamoyillariga amal qiladi. Barcha chop etilgan maqolalar o‘quvchilar uchun bepul va erkin foydalanish imkoniyatiga ega bo‘lib, ilmiy bilimlarning keng tarqalishiga xizmat qiladi.


Mualliflik huquqi

Mualliflar taqdim etilgan materiallarning original ekanligi va ilmiy ishonchliligi uchun javobgardirlar. Jurnalda maqola chop etilishi mualliflarning maqolani nashr qilish va tarqatish huquqini tahririyatga berishga roziligini anglatadi.


Maxfiylik siyosati

Jurnal saytida kiritilgan mualliflar va foydalanuvchilarning ism-shariflari hamda elektron pochta manzillari faqat jurnal faoliyati doirasida foydalaniladi va uchinchi shaxslarga berilmaydi.


Arxivlash

Jurnal chop etilgan materiallarning uzoq muddat saqlanishini ta’minlash uchun elektron arxivlash tizimlaridan foydalanadi. Ilmiy kontentning xavfsiz saqlanishi LOCKSS (Lots of Copies Keep Stuff Safe) va CLOCKSS kabi xalqaro arxiv tizimlari orqali ta’minlanadi.